**সন্ধ্যাতৰা ৩**

**সন্ধ্যাতৰা ৩** 

  •তৃতীয় খণ্ড• 

কংকনে মৃতদেহটো চোঁচৰাই লৈ গৈ ঘৰৰ পিছফালে থকা জংঘলত থৈ দি হাতখন গলত মেৰিয়াই লোৱা গামোচা খনত মচি ল'লে। হাতেৰে অপক্ক গছৰ পাতবোৰ দোপাকী-তেপাকী চাৰিওপিনে চালি-জাৰি চালে যে কোনোবাই চাই থকা নাইতো। অৱশেষত ঘৰৰ বাহিৰত থকা তাৰ বেগখনৰ পৰা ডাঙৰ দা এখন উলিয়াই লৈ মৃত শৰীৰতো টুকুৰা-টুকুৰ কৰাত ব্যস্ত হৈ গ'ল।  

কাঞ্চন- ককা, ক'ত তুমি? (কাঞ্চনে ইফাল-সিফাল আৰু চাৰিওফালে চাই ককাকক নোপোৱাত ঘৰৰ অলিন্দত বহি মাতিত অ, আ, ক, খ লিখিব ল'লে।) 

   হঠাৎ হাবিয়নিৰ পৰা অহা এটা উদ্ভট নাদে কাঞ্চনৰ লিখা মগ্নতা ভংগ কৰি দিলে আৰু আজি দ্বিতীয় বাৰৰ বাবে কংকন আৰু কাঞ্চনৰ চকুত চকু পৰিল। দুয়ো দুয়োকে একান্ত মনে ক্ষন্তেক সময়ৰ বাবে একেথিৰে চাই ৰ'ল। কংকনে শোনিতক্ত দেহেৰে কাঞ্চনক কোলাত উঠাই লৈ দাখন পিছফালে ককালত গুজি ল'লে।  

•কাঞ্চন- তুমি কোন? 

•কংকন- মই তোমাৰ উমমমম.. বহুত দুৰৰ পৰিজন এজন, তুমি যেতিয়া সৰু আছিলা তেতিয়া তোমাক মই কোলাত লৈ এনেকে ঢেৰ কুটকুটনি দিছিলোঁ। 

•কাঞ্চন- মই বহুত সৰু আছিলোঁ ন'? 

•কংকন- তুমি ইমান মান আছিলা (কংকনে হাতেৰে দেখুৱালে)। 

•কাঞ্চন- ককা ক'ত? 

•কংকন- ককাই তোমাৰ কাৰণে চকলেট আনিব গৈছে মুনু,মই পইচা দিছোঁ। চাও দাত কেইটা, চাও, চাও, চাও (এইবুলি কৈ কংকনে কাঞ্চনক ঘৰৰ ভিতৰলৈ লৈ গ'ল)। 

     ঈশিৰে খবৰতো পোৱা লগে-লগে গাড়ী এখন ভাৰাত লৈ ডিব্ৰুগড়লৈ ওলাল। ৰাস্তাত এটাই চিন্তা লৈ সি ৰুমালখন উলিয়াই বাৰে বাৰে তাৰ মুখখন মচিব ধৰিলে। ড্ৰাইভাৰ জনে তাৰপিনে চাই সুধিলে দাদা চব ঠিকে আছেতো? ঈশিৰে  এটা মিথ্যা হাঁহি মাৰি তাক ক'লে চব ঠিকেই আছে দিয়া। ঈশিৰে মনৰ ভিতৰি-ভিতৰি ক'লে সি তাইক মাৰি পেলোৱা নাইতো? হঠাৎ ঈশিৰে চকুৰে জলক-তবক দেখা আৰম্ভ হ'ল আৰু সি গাড়ীৰ ভিতৰতে চিঞৰি উঠিল আৰু ড্ৰাইভাৰক উদ্দেশ্যি ক'লে খৰকে চলা নহ'লে তাই মৰিব আজি বুলি কৈ কাঞ্চনৰ অতিতৰ কথা ড্ৰাইভাৰ জনৰ আগত ক'ব ধৰিলে। তাই মোৰ ছোৱালী, মোৰ আৰু সি এইটো নাজানে যে অনাদ্যা বাছি আছেনে নাই। কংকনে আধা সত্যৰ পোচাক পিন্ধি ডিব্ৰুগড়লৈ গৈছে। আচলতে অনাদ্যা এতিয়াও জীয়াই আছে। সি সিমিত জানে, যিমানখিনি মই তাক জানিব দিছিলোঁ। সি নিজৰ দেউতাকক মাৰি এতিয়া ৰজা হৈ মোৰ ছোৱালীজনীক তাৰ লগত ৰাখিছে। এওঁ অনাদ্যা , মোৰ পত্নী(ঈশিৰে গাড়ীৰ পিছফালে বহি থকা তিৰোতা জনীলৈ আঙুলি টোৱাই দেখুৱালে)।  

  

To be continued...... 

 -কুমাৰ কৃষ্ণ শৰ্মা। 

*Words and meanings* 

• অপক্ক- Unripe 

• দোপাকী-তেপাকী- Zigzag 

• অলিন্দ- Veranda 

• হাবিয়নি- Jungle 

• উদ্ভত- Strange 

• শোনিতক্ত- Bloody 

• পৰিজন- Relative 

**সন্ধ্যাতৰা ২**

**সন্ধ্যাতৰা ২**

•দ্বিতীয় খণ্ড•

ওচৰতে কোনোবা এজন যাত্ৰিৰ ফোনত সুৰাত মগন ভয়াল ৰাতি গানটো বাজি উঠিল। গানটোৱে নিস্মৰক তৰ্জন-গৰ্জন কৰি ভাঙি চুৰমাৰ কৰি পেলালে। হোমৰ জুইত ঘিউ ধালিলে যিদৰে জুই দুগুণ হৈ জ্ৱলি উঠে থিক সেইদৰে কংকনে হঠাৎ সাৰ পাই উঠি থিয় দি ক'লে তহতে বুজি নাপাবি এই জীৱনৰ মনস্তাপ। মই মাৰ খাইছো তহতে চাইচ' কিন্তু মোৰ আইজনিৰ কাৰণে এইচব তিতিক্ষা একোৱে নহয়। সৰু তাই, বহুত সৰু, ইমান মান (কংকনে বহি থকা গিজগিজ পৰিযায়ীবোৰক হাতেৰে ভঙ্গিমা কৰি দেখুৱালে)। হাতেৰে মুখৰ তেজ মচি সি এজন উন্মত্ত মদাহীৰ দৰে খোজ কাঢ়ি গৈ তাৰ বেগৰ পৰা ফটো এখন উলিয়াই নিজেই নিজক লৈ কৈ উঠিল, তই ভয় নকৰিব মোৰ সোণৰ টুকুৰা জনি, মই আহি আছোঁ তোৰ কাষলৈ। মৰংত গৈ কংকনে নিজৰ পোচাক আৰু নিজক অলপ ৰদ-বদল কৰিলে। 
   ডিব্ৰুগড় ষ্টেচনৰ বাহিৰ ওলাই সি অ'টো এখন লৈ লুংলুঙিয়া ৰাস্তা এটাৰে গৈ টিংখং পালেগৈ। তাত সি তাৰ লগৰ এজনৰ অথৰ্ব বাপেকক লগ পালে। 
কংকন- ককা চিনি পাইছেনে?
ককা- কোন বোপা?
কংকন- মই নিসৰ্গৰ লগৰ, কংকন। বহুত দিন হ'ল , কাম এটা আছিলে।
ককা- ও ও কংকন। ইমান মনত নাই মোৰ, বচ তোৰ নামতো চিনাকি চিনাকি লাগিছে। বাৰু কি কাম আছিলে কচোন?
কংকন- ককা মোক মোৰ ছোৱালীজনী লাগে, তাইক অতদিনে নাই দেখা। মাক জনী মৰিল এটা বেমাৰত এতিয়া তাই ইয়াতে আছে বুলি শুনিছোঁ। মই কিমান ৰখাব চেষ্টা কৰিলোঁ তাইক কিন্তু তাইক মোৰ পৰা কাঢ়ি লৈ গ'ল। 
ককা- কি? কোনে লৈ গৈছে তাইক?
কংকন- তাইৰ মাহীয়েকে তাইক ইয়াত কাৰোবাৰ তাত বেছি দিছে, মই পলাই বিয়া কৰিছিলোঁ তো, আৰ্ৰে শাস্তি দিয় মোক দে কিন্তু তাইক কিয়? (কংকনে হুকহুকাই কান্দি উঠিল)

ককাই কংকনক উদ্দেশ্যি ক'লে তই আধি নকৰিবি, মই কাঞ্চনক লৈ আহিম। কাঞ্চনৰ নাম ককাৰ মুখত শুনা লগে-লগে কংকন জাঙুৰ খাই উঠিল। আপুনি! আপুনি কেনেকে জানে তাইৰ নাম কাঞ্চন বুলি? সিংহই মৃগ‌ পহুৰ ওপৰত জঁপিওৱা দি কংকনে প্ৰৌঢ় ব্যক্তিজনৰ ডিঙি চেপি ধৰিলে। সি ইমান জোৰেৰে চেপি ধৰিছিল যে বৃদ্ধ মানুহজন থিতাতে নিহত হ'ল। অলপ সময় পিছত সি তেখেতৰ ডিঙিটো এৰি দি মৃত ব্যক্তিজনৰ ওচৰত বাগৰি ৰ'ল। শুই শুই সি ঈশিৰক ফোন লগালে।
কংকন- হেল্ল ঈশিৰ, কাম হৈ গ'ল। বুঢ়া আৰু নাই এই দুনিয়াত। তই আহি যা।

To be continued.....(Part 3/ Ending coming soon)

  - কুমাৰ কৃষ্ণ শৰ্মা


*Words and meanings*

• নিস্মৰ- Silence

• মনস্তাপ- Grief

• তিতিক্ষা- Endurance

• গিজগিজ- Crowded

• পৰিযায়ী- Passanger

• মৰং- Toilet

• ৰদ-বদল- Modify

• অথৰ্ব- Old aged

• আধি- Worry

**সন্ধ্যাতৰা**

**সন্ধ্যাতৰা**

• প্ৰথম খণ্ড

অনুগ্ৰহ কৰি মন কৰিব ৰেলগাড়ী সংখ্যা ৫৫৪৬৭ উজনি মুৱা দ্ৰুতবেগী বগীবিল  এক্সপ্ৰেছ অনতি পলমে প্লেটফৰ্ম নম্বৰ দুইত আহি পাবহি। 
লখিমপুৰৰ পৰা ডিব্ৰুগড়লৈ যোৱা এই ট্ৰেইন খনৰ লগত বহুতো তিতা-মিঠা ৰোমন্থন জৰিত হৈ আছে কংকনৰ। কংকনে ৰেলৰ ভিতৰত তাৰ দিনলিপি খন উলিয়াই এটা স্ৱল্প হাঁহি মাৰি লিখিব ল'লে। 
  প্ৰতি অনাদ্যা,
     আশাকৰোঁ তোমাৰ চব অভুদ্যয়ে আছে। মোৰ ফালৰ পৰা উদ্বৃত্ত মৰম লবা। তোমাক লগ পোৱা আজি ৬ বছৰ হৈ গ'ল। যোৱা কালি ঈশিৰ এ আহি ক'লে তুমিহেনো ডিব্ৰুগড়ত থকা আজিকালি। নোৱাৰিলোঁ বুজিছানে। তোমাৰ এটা এতলা পাই মোৰ মনতোৱে থৌকি-বাঠৌ হৈ এবাৰ বিহু নাচি‌ এ পেলালে। আস্থানৰ কাষেৰ সৰণীত কপৌফুল লাগি আছিল, তুমি ভালপোৱা বাবেই চিঙি আনিলো। আমাৰ ঘৰৰ আগৰ জামগছ দালৰ উৰসত এতিয়াও জঙ্গম হৈ আছে তুমি লেখা সেই মৰমৰ আখৰ কেইতা। মই এতিয়াও সজতনে ৰাখিছোঁ দিয়া। আমি খেলা আমগছ দালৰ সৰাপাতত এতিয়াও মই তোমাৰ আৰু মোৰ নাম লিখি পুটি থৈ দিওঁ। তোমাৰ চোন মনপচন্দ খেল আছিল, পাহৰিলা নেকি? আমাৰ ওচৰ- চুবুৰীয়াই আজিও মোক তোমাৰ নামৰ পাগল বুলি কয়। মই সিঁহতক কৈ দিছোঁ তাইক বেয়াকৈ ন'কবি দেই। আজি ইমান বছৰৰ মূৰত তোমাৰ ওচৰলৈ গৈ আছোঁ, আশাকৰোঁ তোমাৰ হাতৰ সেই অপ্ৰসস্ত ইৰা খাবলৈ পাম। আৰ্ৰে! তুমি চাগে মজাহ খানা বনোৱা আজিকালি। মই জানা যোৱা পৰহী ঘৰ বিচাৰি পালোঁ অবশেষত। ইমান দিন ধৰি ক'ত আছিলোঁ গমেই নাপালোঁ। ঘৰৰ কোনেও নাজানে যে মই আজি তোমাৰ কাষলৈ গৈ আছোঁ। আমি যে পলাই গৈ কামাখ্যাত বিয়া কৰিছিলোঁ মনত আছেনে তোমাৰ? 
    কংকনে হাতখন জোঁকাৰি দি কলমটো দিনপঞ্জীৰ মাজত থৈ ওলপ ইফাল-সিফাল চালে আৰু পকেটত হাত সুমাই চিগাৰেটৰ পেকেটতো উলিয়াই এটা জ্ৱলাই লৈ ৰেলৰ গৱাক্ষৰে নিজৰ হাতখন উলিয়াই দি বতাহত অ...না...দ্যা লিখিব ল'লে। ৰেললাইনৰ কাষৰ ৰাস্তাটোত থিয় দি থকা এটা সৰু লৰাক দেখি সি হাতবাউলি তাক অভিনন্দন জনালে। পিছপিনে ঘুৰি চোৱা লগে লগে সদলবলে ৪-৫ জনিয়া জাউৰি এটাই তাক ঘেৰি লৈ চোলাত ধৰি চোঁচৰাই লৈ গ'ল। মো....ক নামাৰিব! মাৰিছে কিয়? কি...(ৰক্তাক্ত মূখখনৰ পৰা তেজ বৈ গ'ল) কি কৰিছোঁ মই? কংকনে তিৰোতা এজনিৰ ভৰিত ধৰি ওপৰৰ পিনে চালে। তাই লাহে-লাহে তলৰ পিনে আহি তাৰ গলত খামুচি ধৰিল। তোমাক কৈছিলো নহয় নাহিবা এইপিনে, কিয় আহিছা? গুচি যোৱা (এইবুলি কৈ সিঁহত তাক এৰি আগৰ দাব্বা তোলে গুচি গল)। কংকনে লাহেকে মুৰতো দাঙি চালে আৰু তিৰোতা জনিয়ে আঙুলিৰে কলে নাহিবি আৰু...গুচি যা। কংকনে তাত ধলি পৰিল আৰু সিঁহতে ট্ৰেইনৰ চেইন দাল তানি তলত নামি নদীৰ সোঁতত কেৰিমেৰি গৈ এটা ক্ষনত নেদেখা হ'ল। কংকনে হঠাৎ সাৰপাই সজোৰে আস্ফালন কৰি ক'লে মোক তাইক লাগে, কৈ বেহুচ হৈ তাত পৰি ৰ'ল।

To be continued.....

   - কুমাৰ কৃষ্ণ শৰ্মা

*Words and meaning*

• ৰোমন্থন- Memory
• অভুদ্যয়- Welfare
• উদ্বৃত্ত- Excessive
• এতলা- News
• সৰণী- Street
• উৰস- Chest
• জঙ্গম- Living
• অপ্ৰসস্ত- Very bad
• ইৰা- Food
• গৱাক্ষ- Window
• জাউৰি- Group
• কেৰিমেৰি- Zigzag

**কেৱল তুমি**

**কেৱল তুমি** 

তুমি তিমিৰ ৰাতিৰ ক্ৰন্দসীৰ দীপিকা। 

তুমিবিহীন জীৱন এক ভঙা কাঠৰ দলঙৰ সজীয়া। 

সৌ সিদিনা লগ পাইছিলো তোমাক মোৰ মৰমী। 

তুমি মোৰ আৰু বিয়পি পৰিছা মোৰ ৰক্তাক্ত সিৰাৰ ভিতৰি। 

যি দৰে তেজ বৈ যায় হৃদযন্ত্ৰৰ পৰা দেহৰ অন্য সৈন্যলৈ, তুমি পাৰ হৈ যোৱা বতাহ এচাটিয়ে মোক কৰে মহাৰ্ঘ আকৰিক। 

তুমি আলসুৱা খোজ দি অলিৰ কাষেৰে আহি ভৰিৰ তলুৱাৰে ঘাঁহৰ ওপৰত লাগি থকা নিয়ৰৰ টোপাল কেইটা গছকি যোৱা। 

এনে লাগে যেন এটা অদৃশ্য মনিন্দ্ৰৰ খনিত পুৱতি প্ৰভাতৰ প্ৰতিফলনে ৰামধেনু চতিয়াঁই কৈছে তাইলৈ চোৱা। 

চোৱা তাইৰ বাউলী চুলি আৰু হাঁহিৰ মহামিলন। 

ফাগুনৰ বতাহ যাকেও যেন ক্ষিপ্ত হৈ কেৰিমেৰি যাই কৰিছে আদ্য প্ৰেমৰ কৃতিত্বৰ আস্ফালন। 

লাহী কঁকালৰ ভাজ দেখিবলৈ সাইলাখ এটা কুৰুংৰ দৰে। 

য'ত দূৰৈৰ পৰা ভাহি অহা তাইৰ চিক-চিক পায়েলৰ শব্দই যেন মোক সন্মোহিত কৰে। 

অবতৰিয়া তেকিত মেৰিয়াই লোৱা কমলা আৰু ৰাতুল বৰণীয়া পচম। 

তোমাৰ তনুৰুচিৰ উমত গুণ হয় মোৰ চিৰসেউজীয়া মৰম। 

তুমিয়েই মোৰ প্ৰেয়সী, তুমিয়েই মোৰ মৰম, তোমাৰ কাতৰ স্পৰ্শত প্ৰাণ পাই শৰৎৰ পখিলাবোৰে। 

উৰি গৈ সিহঁতে ডেডাউৰি মাৰে তুমি আহিছা বুলি। 

দুহাত মেলি মই ৰৈ আছোঁ তুমি আহি চুলিৰ খোপাটি খুলি নম্যতাৰে মোৰ আননত পৰশ দিবা আৰু কেৰাহিকৈ মোলৈ চাবা। 

• কুমাৰ কৃষ্ণ শৰ্মা। 

*Words and meanings™- 

• ক্ৰন্দসী- Sky 

• দীপিকা- Moonlight 

• সজীয়া- Resemblance 

• অন্য সৈন্য- Relating with other organs of body 

• মহাৰ্ঘ- Costly 

• আকৰিক- Ore 

• আলসুৱা- Delicate 

• মনিন্দ্ৰ- Diamond 

• ক্ষিপ্ত- Insane 

• কেৰিমেৰি- Zigzag 

• আদ্য- First 

• আস্ফালন- Roar 

• কুৰুং- Gorge 

• তেকি- Cold 

• ৰাতুল- Red 

• পচম- Wool 

• তনুৰুচি- Body 

• ডেডাউৰি- Shout 

• নম্য- Gentle 

• আনন- Face

**ফটিকা**

**ফটিকা**

তোৰ মুখৰ ভিতৰৰ সেই ৰক্ত-জবা দালে কেৱল লৰচৰ কৰে।
আজি খাওঁ, কালি খাওঁ বুলি ঘনাই চিঞৰে।
কি কৰিবি তই? 
নাখালেও নোৱাৰি, খাবলৈ যাই যাওঁ আঠ ভৰিত।
অলপ ৰৈ যা।
তোৰ অবয়বক অপমান কৰি যাবি কলৈ।
সদ্যহতে পৰি ৰবি তই গভীৰ খালৈত।
প্ৰকৃততে যকৃতত তই নিতৌ নৱ-নৱ্য দ্ৰাবক ধাল'।
শেষত গৈ তোৰ নিস্পাপ কলেৱৰত ভেষজৰ ৰং তৰ'।
কি ভুল আছিল তোৰ আই জনিৰ?
নজনাকে তোক জন্ম দি আজি আদবাটতে ৰৈ থাকে,‌ যেন তই আহি ভাত দুমুঠি খাই যাবি।
আজিও বুটলিবলৈ ৰৈ থাকে তোৰ পিৰিচৰ পৰা সৰি পৰা সেই অমল-লেখিয়া তণ্ডুল।
খালি তই, মৰিলি তই, তথাপিও পৰশুৰাম হৈ দেখাও সেইতো তোৰ আইৰ ভুল।
নুবুজিবি তই, নুশুনিবি তই, মাৰিবি তই, মৰিবি তই, এদিন-দুদিনকৈ তিলিকতে যাবি ক্ষয়।
তিমিৰ ৰজনীৰ কোলাত অলিয়ে-গলিয়ে কৰ' তত্ত্ৱাৱধায়ক-গিৰী।
আলপৈচান ধৰোঁতা নাই, নাই তোৰ কোনো তলব। 
অদৃশ্য কল্পনাৰ সন্মুখত দেখাইচ' তোৰ অহেতুক গৰব।
তই কোন?
তই এজন অপদাৰ্থ মদাহী।
তোৰ জীৱনতো এটা কলমৰ দৰে য'ত নাই কোনো চিয়াঁহী।

- কুমাৰ কৃষ্ণ শৰ্মা।

•Words and meanings•

• ফটিকা- Alcohol
• ৰক্ত-জবা- As of now we can relate it with our tongue
• খাবলৈ যাই যাও আঠ ভৰিত- Four people carrying a dead body to the cremation ground
• অবয়ব- Shape
• কলেৱৰ- Body
• যকৃত- Liver
• নৱ-নৱ্য- New new
• দ্ৰাবক- Acid
• ভেষজ- Medicine
• অমল-লেখিয়া- White coloured
 • পিৰিচ- Plate
• তণ্ডুল- Rice
• তিমিৰ- Dark
• ৰজনী- Night 
• তত্ত্ৱাৱধায়ক-গিৰী- Janitor
• তলব- Salary